مرحبا بكم في منتدى الشاوية الاحرار** بوزينة ** ** Batna **
مرحبا بكم زوارنا الاعزاء في منتدى لمة بوزينة الشاوية الاحرار

يلعن أبو هالحالة

استعرض الموضوع السابق استعرض الموضوع التالي اذهب الى الأسفل

يلعن أبو هالحالة

مُساهمة  فتحي شبي في الإثنين نوفمبر 19, 2012 12:12 am

مرّة موظف وقف عند السمان يلي بيحارتو، وأشترى شوية غراض

ولما طلب من السمان أنو يسجلهن عليه بالدين ، رفض السمان

وقلو ، ما بتعامل إنا إلا بالكاش موني

فقلو الموظف متعجب: بدك كاش؟؟

قلو السمان: أي ليش لأ؟

فجاوبو الموظف:

الكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

والمغارة ما بتفتح إلا لعلي بابا والأربعين حرامي

والأربعين حرامي صاروا ملايين

والملايين عم تندفع لضعاف النفوس رشوة

والرشوة صارت حق

والحق ، يا حسرتي ، ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار أستسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها باتنجان ولحمة

واللحمة ماعادت تفوت لبيت الفقراء ، ولو نطحو الحيطان

والحيطان صار إلـْها أدان

والأدان معبية البلد

وهالبلد صار في أكل هوا

والهوا صار فيه تلوث

والتلوث عشعش بالنفوس ، والسجل المدني والقضاء

وللقضاء على القضاء ، صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه ، اللي شفط منه في الدنيا

وعلى الدنيا السلام ، منشان الحصول على الأختام

والأختام عند المدام

والمدام كانت شامية ، وهلأ صارت روسية شقرا

والشقرا بتهز الأرض

والأرض بتتكلم عربي

والعربي ما حدا بيقدر عليه ، غير الله

والله ، اذا منضل على هالحالة ، لتسحبنا الكلاب

والكلاب أحسن من البني آدم

وآدم علق علقة مع حوا

وحوا ما بتعرف غير كلمة بدي

وبدي ألعن أبو هالحالة…

بطلت أشتري !!!

avatar
فتحي شبي
Admin

عدد المساهمات : 832
نقاط : 2441
تاريخ التسجيل : 15/12/2009
العمر : 28
الموقع : net.fethi@yahoo.com

معاينة صفحة البيانات الشخصي للعضو http://bouzina.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى